Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

2 Most Wanted Person sa Sorsogon, arestado

Bagsak sa karsel an pinagkokonsiderar na No. 1 Municipal Most Wanted Person sa Matnog, Sorsogon.

Ini makalihis na maaresto kan mga personahes kan Matnog Municipal Police Station an akusadong si Jonel Mumar, 18 anyos, soltero asin residente kan Brgy. Sulangan sa kaparehong banwaan.

Segun kay Police Major Jose Michael Aurelio, Chief of Police kan Matnog MPS inaresto an suspect sa kosog kan Warrant of Arrest na ipinalowas ni Hon. Rofebar Gerona, Acting Presiding Judge kan RTC Branch 55, Irosin, Sorsogon.

An nasabing akusado nahahampang sa kasong rape kun saen dae na nin pinagrekomendar pang pyansa an korte para sa paramientras na libertad kaini na nasa kostudya na ngonian kan PNP para sa magkakanigong disposisyon.

Mientrastanto, nasa kostudya na ngonian kan pulisya an Ranked No. 3 Most Wanted Person sa Sorsogon City kasunod kan isinagibong operasyon kan PNP.

Bitbit an warrant of arrest, inaresto kan mga personahes kan Sor. City Police an akusadong si Achilles Escote Barro, 41 anyos, soltero asin residente kan Brgy. Caricaran, Bacon District, Sorsogon City.

An siring na mandamiento ipinalowas ni Hon. Maximo R Ables, Presiding Judge kan RTC Branch 52, Sorsogon City dahilan sa kasong panlulupig.

Nasa kostudya na ngonian kan pulisya si Barro mantang dae na nin pinagrekomendar pang pyansa an korte para sa paramientras kaining libertad.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.