Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

63-anyos na lalaki sa Bacon, nadiskobreng gadan sa irarum kan mangga

Padagos an pinagigibong imbestigasyon kan mga otoridad makalihis na madiskobre na dae na nin buhay an sarong 63-anyos na lalaki sa distrito kan Bacon sa ciudad kan Sorsogon.

Pinagbisto an biktimang si Mariano Dato Dematera, may agom asin residente kan Sitio Bancal sa Brgy. San Roque.

Sa inisyal na imbestigasyon kan PNP, nadiskobre ang bangkay kan biktima ninda Nancy Llenas, Hazel Canta asin Elizabeth Dolar na nakatalaan kuta ng magbakal sa timdahan na tagsadirihon kaini.

Nabigla an tolo kan mahiling na nakahandusay sa irarum kan poon nin mangga an biktima, nagkapirang metros sana an distansya sa residensya.

Pinagtutubudan na inatake nin hypertension ang biktima na enot ng idinalagan sa Sorsogon Provincial Hospital kan nakalihis na bulan dahilan sa paglangkaw kan blood pressure.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.