Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Full alert status, itinaas kan SPPO dahil sa pag-atake kan mga rebeldeng grupo

Nasa full alert ngonian an estado kan Sorsogon Police Provincial Office sa bilog na probinsya kan Sorsogon kasunod kan sararabay na pag-atake kan mga pinagtutubudang miembro kan rebeldeng New Peoples Army kan nakalihis na lunes na banggi, Agosto 19.

Enot na inatake kan mga rebelde an Civilian Active Auxiliary (CAA) detachment sa Brgy. San Isidro, Bulan Sorsogon alas 7:25 nin banggi na nagdurar nin sais segundos.

Sunod na nakadangig nin mga putok nin badil pasado alas 8 nin banggi sa kaparehong petsa an Magallanes Municipal Police Station.

Sinasabing gikan sa likudan na porsyon kan simbahan o nasa distansya sanang 300 metros gikan sa police station an nagpaputok na mga rebelde na nagdurar nin haros 10 segundos.

Alas 10 man nin banggi kan paputukan kan mga rebelde ang CAA detachment sa Sitio Bongsaran, Brgy Rizal, Gubat, Sorsogon na nagdurar man nin haros 10 segundos.

Maswerte na sana na dae nin may nalugadan asin kulugan sa siring na insidente.

Sa ngonian padagos an pinagsasagibong hot pursuit operation kan mga otoridad sa mga responsable sa nangyaring indiscriminate firing.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.