Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Harong harane sa Sor. City Public Market, nasulo








Liwat na nakapagrehistro nin insidente nin kasulo an mga personahes kan Bureau of Fire Protection Sorsogon.

Ini makalihis na magkaraba an kalayo sa harong kan sarong Allan Alba sa Brgy. Sirangan sa esteng distrito kan ciudad nin Sorsogon.

Sosog sa report, poco mas o menus alas 10 nin pagkaaga kan maerehistro an siring na sunog sa ikadowang eskalon kan harong.

Maswerte na sana na dae nin may nadamay asin dae na nagkalat pa an kalayo dahilan sa marikas man na pagresponder kan publiko asin kan mga personahes kan Sor. City Fire Station.

An nasambit ng kasulo iyo an nagtao nin paghandal sa publiko dahilan sa nagkapira sanang metro an distansya kaini sa Sor. City Public Market.

Katakud kan siring na bagay, liwat na nagpatanid an BFP Sorsogon sa publiko na mag-ingat sa kasulo dahilan sa dae ini nin pinagpipiling oras asin panahon.




0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.