Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Magallanes PNP nakaalerto dahilan sa panghaharass kan mga NPA

Padagos na nakaalerto an mga personahes kan Magallanes Municipal Police Station makalihis na pauranan nin bala kan mga pinagtutubudang miembro kan rebeldeng grupong New Peoples Army.

Maswerte na sana na dae nin nakulugan o nagadan sa siring na insidente na nangyari poco mas o menus alas otso y media nin banggi kan nakalihis na Lunes, Agosto 19 na nagdurar nin haros 10 segundo.

Sosog sa report, sa likudan na porsyon kan police station gikan an mga putok nin badil kun saen narekober kan mga otoridad an nasa 33 na basyo nin bala kan M14 asin 39 na basyo kan M16 riffles.

Sinabi pa sa report, solamenteng an pader kan kampanaryo kan simbahan na nasa kataid sana kan estasyon kan PNP an tinamaan kan mga tingga.

Padagos man an pinagigibong hot pursuit operation kan militar asin PNP kontra sa mga rebelde.(with reports from PIA Sorsogon)

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.