Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Nagadan dahilan sa dengue sa Sorsogon, suminakat na sa 12

Suminakat na sa 1,601 an kaso kan dengue sa probinsya kan Sorsogon mantang nasa 12 naman an binawian nin buhay.

Segun sa Provincial Health Office Sorsogon, an nasabing bilang iyo an naerehistro magpoon Enero sagkod Agosto 7 kan presenteng taon kun saen kadaklan sa mga nagadan iyo an mga kaakian na nag-eedad nin 9 hasta 13 anyos.

Kasunod kaini, nangapudan an PHO Sorsogon sa publiko na magsabay sa saindang kampanya kontra dengue sa paagi kan paghanap asin pagadan sa mga lamok na carrier kaini.

Segun kay Dr. Renato Bolo, acting provincial health officer na dapat na gibohon kan namamanwaan an 4 o'clock habit o an search and destroy kontra sa namok na tagadara kan siring na helang.

Mientrastanto, dinagka kan DOH Bicol an mga lokal na gobyerno na magpalowas na nin ordinansa tanganing mapogulan an padagos na paglangkaw sa kaso kan dengue.

Segun sa health department, kinakaipuhan ng iprayoridad kan mga LGU an pag-eradikar sa mga namok na may dara kan siring na helang.

Sa pinakahuring report kan DOH, suminakat na sa 4,241 an kaso kan dengue sa Bicol mantang uminabot naman sa 40 an binawian nin buhay magpoon Enero hasta Agosto 3 kan presenteng taon.

Katakud kan siring na bagay, nangapudan an DOH Bicol sa namamanwaan na mahigpit na sunodon an 4S strategy kontra sa dengue.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.