Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

No home work policy ni Nanay Evie, nag-ani nin manlaenlaen na reaksyon

Banga an sentiemiento kan mga magurang, paratukdo asin maging kan mga estudyante sa pinagsusulong na propowesto sa kongreso ni Sor. 1st Dist. Rep. Evelina Escudero.

Segun sa mga pabor, magayon an siring na lakdang kan lehislador tanganing dae na magabatan an mga estudyante sa saindang pang-aro-aldaw na pag-adal.

Mas matatawan man kaini nin panahon an saindang pamilya asin ibapang mga aktibidad.

Namumundo man an nagkapira sa siring na lakdang kan kongresista sa pagsasabi na posibleng magresulta sana ini sa pagiging hugakon kan mga estudyante.

Posible man na malulong sa online games asin social media an mga estudyante pakatapos kan klase imbes na mag-adal.

Ini sa rason na haros okupado na sa ngonian an nagkapirang estudyante asin mga kaakian sa online gaming asin social media imbes na magtabang sa house hold chores.

Liwat man na pinagdepensa ni Nanay Evie ang no homework policy sa mga estudyante sa pagsasabi na dapat na matawan nin quality time an mga aki para sa pamilya asin sa saindang sadiri.

Enot ng sinabi kan Deped, na pabor sinda sa siring na proposisyon kan lehislador, sa katunayan taon 2010 pa iyo an may polisiya na ang ahensya sa pagbabawal sa pagtatao nin assignment sa mga elementary students kada weekend.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.