Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Padre de pamilya sa Bulusan, gadan matapos na magbitay

Gadan an sarong mister makalihis na magdesisyon na kitilon an sadiring buhay.

Binisto an biktimang si Jonathan Fuga Frando, 39 anyos asin residente kan Jose St. Bgy. Madlawon, Bulusan, Sorsogon

Sosog sa report, sarong concerned citizen an nagpaabot nin impormasyon sa Bulusan Municipal Police Station dapit sa nangyaring suicide incident sa nasabing lugar.

Sa inisyal na imbestigasyon kan pulisya, nahiling kan menor de edad na aki kan biktima an lawas ni Frago na nakabitay.

Nadiskobre an siring na insidente poco mas o menus alas 6 an aga kan nakalihis na aldaw, Agosto 11 mantang naglalakaw-lakaw an aki sa likudan na porsyon kan saindang harong.

Segun naman sa esposa kan biktima, haloy ng nagsasapar nin depresyon an saiyang mister na posibleng naging rason sa pagpapakamatay kaini.

Narekober man sa crime scene an pinagtutubudan na suicide note kan biktima mantang padagos an pinagigibong imbestigasyon kan pulisya dapit sa siring na insidente.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.