Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

23 sa 76 na GCTA grantee sa Bicol, suminuko sa mga otoridad

23 sana sa 76 na convicted person na nakinaban sa GCTA law an suminuko sa mga otoridad, sarong aldaw paraber magtapos an itinaong plaso ni Presidente Rodrigo Duterte na magreport sa PNP.

Segun sa Police Regional Office 5 boluntaryong nagsuko an nasabing mga persona sa manlaenlaen na police stations sa rehiyon mantang saro sa mga ini iyo an gadan na sosog sa report kan CIDG Sorsogon.

Segun sa PNP Bicol, an probinsya kan Sorsogon an nakapagrehistro nin pinakahalangkaw na bilang nin surrendered convicted prisoners na uminabot sa pito, na pinagsundan kan Masbate na may 5; 4 sa Albay asin Cam. Norte mantang tigdowa an gikan sa probinsya kan Camarines Sur asin Catanduanes.

An nasabing mga prisonero iyo an nahatulan sa kasong rape, parricide, homicide, robbery asin murder na konsideradong heinous crime alagad natawan nin prebelehiyo na makalowas sa karsel dahilan sa nasambit ng ley.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.