Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Buybust Ops kan PNP matrayumpo; 2 pang wanted person sa Sorsogon, kulong

Arestado an sarong 47-anyos na mister kasunod kan matrayumpar na buy bust operation kan mga otoridad sa ciudad kan Sorsogon.

Binisto an naarestong si Allan Asis Cabuñas, residente kan Sitio Burabod, Brgy Poblacion, Bacon District.

Segun kay Police LtCol. Benito E Dipad Jr, hepe kan Sor. City Police naaresto an suspect makalihis na pabakalan an police poseur buyer nin sarong pidaso nin heat sealed transparent plastic sachet na naglalaman nin shabu.

Nakompiskar man sa suspect an 3 pang small heat sealed transparent plastic sachets nin shabu asin 500 pesos na buy-bust money.

Kasong pagbalgar sa Rep. Act 9165 an kakahampangon ni Cabuñas na enot ng suminuko sa mga otoridad si Cabuñas sa kasagsagan kan Oplan Tokhang kan Hulyo 8, 2016.

Mientrastanto, inaresto kan mga personahes kan Municipal Police Station an sarong 76-anyos na akusado sa kasong arson sa Bulan Sorsogon.

Pinagbisto an suspetsado na si Remedios Hona y Goña, balo asin residente kan Brgy. Sta Remedios kan nasabing banwaan.

An pagkakaaresto sa suspect kasunod kan ipinalowas na mandamiento ni Hon. Judge Adolfo G. Fajardo kan RTC Branch 65.

72 mil pesos an rekomendadong pyansa kan korte para sa paramientras na libertad ni Hona na nasa kostudya na ngonian kan Bulan MPS para sa magkakanigong disposisyon.

Sa banwaan naman kan Matnog, bitbit an warrant of arrest inaresto kan mga otoridad sa Brgy. Caloocan an sarong soltero na nahahampang sa kasong pagbalgar sa Rep. Act 7610.

An akusado binistong si Reymar Tan Blazo, 19 anyos asin residente kan Brgy. Central, Magallanes, Sorsogon.

An nasabing akusado iyo an nahahampang sa kasong Acts of Lasciviousness na may rekomendadong pyansa na 180 mil pesos.

Si Blazo an pinagkokonsiderar na pang-siyam sa mga most wanted person ng Magallanes Municipal Police Station.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.