Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Nagkapirang estraktura sa rompoelas, gagabaon

Nakatalaan na isairarum sa rehabilitasyon o pagpapakarhay an nagkapirang estraktura sa Baywalk o Sorsogon City Rompeolas.

Ini kasunod kan ipinalowas na executive order ni Sor. City Mayor Ester Hamor.

Nagkapira sa mga estraktura an nakatalaan na gabaon iyo an minasunod: stage, kiosk/pavilion, replica kan pili asin comfort rooms (CR) sa nasabing lugar.

Segun sa Sor. City Public Information Office, an mga materyales na pupwede pang magamit iyo an iaagi sa bidding tanganing maitao sa ibapang ahensyas kan gobyerno na may possibleng pag gagamitan kan mga ini.

Ang nasabing proyekto sa rompeolas segun sa LGU iyo an parte kan “Greening of the Rompeolas” project o program kan presenteng administrasyon.

Mientrastanto, epektibo ngonian na aldaw may bago ng pwesto an mga saradit na stall kan mga food vendors sa Sor. City Baywalk o Rompeolas.

Ini kasunod kan ipapaotob na proyektong “Greening of Rompeolas” kan administrasyon ni Sor. City Mayor Esther Hamor.

Enot ng napagkasunduan kan Appraisal, Disposal and Awards Committee kan lokal na gobyerno kan ciudad an pagbago asin pagpapakarhay sa nagkapirang porsyon kan nasambit ng pasyaran na kinabibilangan sa pagbalyo kan mga apektadong pwesto sa sementadong food stalls sa may toong porsyon kan lugar.

15 stall owners an naapektaran kan siring na bagay na nagpahayag nin manlaenlaen na reaksyon.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.