Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Pagkabit kan mga SK3 sticker sa mga pampasadang tricycle, idinepensa kan sarong miembro kan city council

Nagpaliwanag an sarong miembro kan City council dapit sa pagkabit nin sticker sa mga lehitimong tricycle na may nakasurat na SK3 Gayon Ciudad Sorsogon City na kilala na saro sa mga slogan ni Sor. City Mayor Ester Hamor.

Segun kan Konsehal Nestor Baldon, chairman kan Committe on Franchize sa Sangguniang Panlungsod, paramientras sana an mga ikinabit nindang sticker sa mga tricycle na tapos nang magpaimbentaryo.

Paliwanag kan opisyal, katuyuhan kaini na mas maging organisado asin matawan nin magkakanigong senyal an mga lehitimong tricycle driver na nagsairarum sa imbentaryo asin maging bagay man kan mga traffic enforcers sa pagdakop sa mga kolorum.

Siniguro man ni Baldon na sasalidahan ini nin mas matibay asin dae basta basta nakokopyang sticker tanganing maiwasan an pagkakabit kaini kan mga kolorum na tricycle.

Ngonian na aldaw, nakatalaan na magtapos an isinasagibong imbentaryo kan lokal na gobyerno sa mga namamasadang tricycle sa ciudad tanganing maaraman kun sisay an kolurom o lehitimo sa mga ini.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.