Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Soltero kalaboso makalihis na hab-asan an sarong eskwelahan sa Bacon dist.

Naaktuhan kan mga barangay tanod an sarong soltero na nanlaog sa Principal’s Office kan San Roque Elementary School sa Brgy. San Roque, Bacon District, Sorsogon City.

Pinagbisto an parahab-as na si Richard Dolomandin Dioneda, 20 anyos, soltero asin residente kan nasabing barangay.

Sa report kan pulisya, mantang nagroronda an mga barangay police kasabay si Barangay Kagawad Dante Pontero pasado alas 11 an banggi kan mareparo na bukas ang ilaw sa nasabing kwarto asin nahiling an anino kan sarong lalaki.

Kaya tulos na nagpasiring sa lugar an mga ini, asin positibo an ginibong panghahab-as kun saen plano pa kuta ng magdulag kan suspect makalihis na maglukso sa bintana.

Sosog sa report, pwersahan na linaog ni Dioneda an nasambit ng eswelahan makalihis na rangkahon an window grill asin bintana.

Kasabay sa nakompiskar sa suspect an mga hinab-asan na grocery items,  sarong mobile multimedia speaker, 29 pidaso kan small box of sprinkles  na nagkakantidad nin sobra onse mil pesos asin sarong kutsilyo.

Pinaghahanda na sa ngonian kan mga otoridad an magkakanigong kaso na isasangat kontra sa suspetsado.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.