Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Stabbing asin shooting incident, naerehistro sa Sorsogon

Google Photo
Padagos an pinagigibong imbestigasyon kan mga otoridad sa pinakahuring insidente nin pananaksak o stabbing incident na nangyari digde sa ciudad kan Sorsogon.

Ini makalihis na magadan kan mapurukan nin saksak an biktimang si Romy Montes Doctor, 63 anyos asin residente kan Purok 7, Brgy. Bitan-o/Dalipay, Sorsogon City.

Sa inisyal na imbestigasyon kan mga otoridad mantang naglalakaw an biktima sa nasabing barangay kan bigla na sanang saksakon kan suspetsadong si Salvador Canielas Reyes, 60 anyos asin residente kan Brgy. Lipata, Bulan, Sorsogon.

Nagsapar an biktima nin mga tama nin saksak sa saiyang daghan mantang tulos man na duminolag an suspetsado makalihis an krimen.

Mientrstanto, sa banwaan kan Pilar - gadan an sarong obrero kasunod kan nangyaring shooting incident.

Pinagbisto an biktimang si Alan Topacio y Homillano, 46 anyos asin residente kan Brgy. Esperanza sa nasambit ng banwaan.

Sa report kan PNP, nakatukaw sa atubangan kan saindang harong an biktima kan biglang magabot an dowang suspetsado na lunad nin motorsiklo asin binadil an biktima.

Blangko pa hasta sa ngonian an mga otoridad sa motibo asin suspetsado sa krimen.


0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.