Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Traffic re-routing sa Sor. City, maarangkada sa Oktubre

Kinompirmar kan Sor. City Traffic Management Emergency & Civil Security an pagpapa-otob nin traffic re-routing asin road closure sa nagkapirang mayor na tinampo sa kabisera kan ciudad nin Sorsogon.

Sa advisory na ipinalowas kan TMECS, ipapaotob an siring na lakdang kasabay kan mga gigibohon na darakulang aktibidad sa masanling bulan nin Oktubre dahilan sa selebrasyon kan Kasanggayahan festival ngonian na taon.

Kabilang sa ipapasunod ang pagamit sana nin sarong lane o porsyon kan tinampo na magseserbing parking area sa kahalabaan kan Magsaysay asin Rizal Street.

Ipapa-otob man an one way traffic scheme gikan sa De Vera St. sa Brgy. Talisay pasisiring sa Rompeolas asin gikan sa De Vera papasiring sa J. Reyes. Street.

Paramientras man na isasara an terminal sa plaza bonifacio kun may mga gigibohon na darakulang aktibidad sa sentro siring kan pantomina sa tinampo mantang an mga pampasaherong jeep na gikan sa primer distrito iyo an tutugutan sanang makababa nin pasahero sa provincial capitol road asin mabalik an mga ini sa holding area sa Balogo Grand Terminal.

Hagad man kan TMECS an pagsabot kan publiko sa ipapaotob na mga pagbabago sa bulos kan transportrasyon sa sentro kan ciudad sa Oktubre kasunod kan mga nakapuntiryang aktibidad para sa kasanggayahan fiesta.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.