Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

2 persona gadan sa magkaseparar na shooting incident sa Sorsogon

Photo: Reghz Gelua Arias
Gadan an sarong tricycle driver makalihis na pagbabadilon sa Purok 4, Bulan, Sorsogon..

Pinagbisto an biktimang si Clifford Gidoc kan Barangay San Juan Daan, Bulan, Sorsogon.

Sosog sa report, lunad an biktima kan pinagmamanehong tricycle sakay an mga kopra na dadarahon kuta na sa sentro kan mangyari an krimen.

8 putok nin badil an nadangog sa nasabing insidente.

Mientrastanto, maswerteng nakaligtas an kaibanan kaini mantang padagos an ginigibong imbestigasyon kan pulisya sa insidente.

Sa banwaan kan Barcelona, gadan man an sarong paraoma makalihis na tambangan kan mga armadong kalalakihan.

Pinagbisto an biktimang si Michael Donairy Y Erlano, 33 anyos asin residente kan Brgy. Sta. Lourdes sa kaparehong banwaan.

Sosog sa report, bigla na sanang uminabot an 10 armadong kalalakihan na may sukbit nin haralabang badil asin pinaputukan an biktima na nagsapar nin mga tama nin bala sa manlaenlaen na parte kan saiyang lawas na nagresulta sa tulos na kagadanon.

Padagos ngonian an isinasagibong imbestigasyon kan pulisya sa insidente.

Si Donairy iyo an pinagsasabing dating miembro kan Local Terrorist Group o NPA na nagbalik boot sa gobyerno.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.