Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Number Coding sa Tricycle planong iimplementar sa Syudad nin Sorsogon

FB Photo: TMECS Head Anchinges in a dialogue with Trike drivers/operators
SORSOGON City - Mas napaboran an pag implementar kan number coding sa lado kan Tricycle kaysa sa re-routing scheme para resolbiran kundi man bawasan an gobot kan trapiko sa kabisera kan syudad nin Sorsogon.

Ini an kinomfirmar ni Arnel Anchinges, pamayo kan Traffic Management Emergency & Civil Security kan LGU Sorsogon City sa pag pagpahayag kaini sa programa kan OKFM radio.

Sinabi ni Anchinges nagluwas na mas oyon an kadaklan sa mga lideres kan manlaen laen na asosasyon nin Tricyle sa syudad makalihis magpa-apod an lokal na gobyerno nin dayalogo sa nasabing sektor.

Aminado man si Anchinges na maski pa nabawasan na ninda an matinding gobot kan trapiko sa syudad dakulang agyat pa man giraray sainda an matinding trapiko sa mga rush hours.

Kun kaya sinabi ni Anchinges na padagos an syudad sa paghahanap nin mas marhay na remedyo para makua an katanggap tanggap na sistema kan trapiko sa sentro na gabos magiging kombensido.

Nagpaliwanag pa an opisyal na bako paghihigpit an ginibo nindang pagpaotob kan mga traffic laws sa kabisera kundi parte man lang kan saindang trabaho.

Siniguro man niya na pirming pagpapasensya o human consideration an saindang pigpapahiling sa traffic enforcement paraber na mag abot sa punto na tiketan an mga violators.

Mientrastanto, an coding sa tricycle planong ipairarum sa dry-run sa maabot na Nobyembre kan taon na ini.#

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.