Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Opening kan Kasanggayahan Fest 2019, makolor

Michael Fugnit Photo

Saro sa mga nagpaningning sa primerong aldaw kan Kasanggayahan festival an isinagibong fireworks display.

Haros kanya kanyang selfie asin kuwa nin ladawan an mga naghiriling sa makolor na fireworks display na nagdurar nin nagkapirang minutos matapos na opisyal na ideklarar ni Gov. Chiz Escudero an opisyal na pagbubukas kan Kasanggayahan fest.


Apwera sa fireworks display kasabay sa dinagsa kan rinibong hobenes an isinagibong free concert sa rompeolas kan tolong darakulang banda sa nasyon.

Saro man sa bagong atraksyon sa rompeolas an pakikipagselfie sa replika kan butanding asin mga pasyaran.



Dae nagpaltos sa oras an mga pinag-schedule na aktibidad kasuudma kasabay kan selebrasyon kan Kasanggayahan festival

Mag-aala una an hapon  kan isara sa publiko an nagkapirang mayor na tinampo sa ciudad kasunod kan isinagibong unityand civic parade kasuudma.

Photo: Banaag Photography

Kompleto sa attendance asin may representante an manlaenlaen na ahensyas kan gobyerno, mga LGUs, asin ibapang sektor na nagsabay sa parada kasuudma.

Nagtapos an parada sa rompeolas dangan na isinunod an banal na misa na pinangenotan mismo ni Bishop Arturo Bastes.



Literal man na dae mahulugan nin dagom an naghiling kan pagbubukas kan Kasanggayahan festival 2019.



Haros dae mag-usad an paglowas laog kan tawo sa rompeolas paraber na magpoon an pagtogtog kan banda sa isinagibong libreng konsierto kasuudma.

Dae man nin haros maparadahan nin sasakyan sa lowas kan piersite mantang puno puno an parking area sa laog kan rompeolas kasunod kan mga isinagibong aktibidad kasuudma.

Sa ibong na lado, iprinesentar ni Sor. Gov. Francis Chiz Escudero an mga plano asin nakapuntirya pang programa sa probinsya kan Sorsogon sa irarum kan saiyang administrasyon.

Gov. Chiz Escudero, DOT V RD Benjie Santiago & Provl Tourism Officer Bob Gigantone (Beth Fruto Photo)







Sa saiyang pahayag sa pagbubukas kan Kasanggayahan festival, pinasalamatan kan gobernador an partisipasyon kan lambang saro asin mga LGU sa paghahanda asin paglatag kan mga aktibidad para sa sarong bulan na kaorogmahan.

Tiwala naman si Tourism Regional Dir. Benjamin Santiago na mas dakol na mga turista asin mabisita sa Sorsogon kasabay kan mga ipinaglatag na aktibidad asin programa kan probinsya para sa selebrasyon kan Kasanggayahan festival 2019 tanganing mas na maging bantog sa ibapang parte kan nasyon asin maging sa bilog na kinab-an.

Sorsogon City Proper thru the lens of Michael Fugnit

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.