Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Paratukdo gadan makalihis na maaksidente sa behikulo sa Gubat

Dae na nakaabot pa sa selebrasyon kan World Teacher's Day an sarong paratukdo kasunod kan nangyaring vehicular accident sa Sitio Baba, Brgy Ogao, Gubat, Sorsogon.

Pigbisto an biktimang si Efren Manallo y Dioneda, 40 anyos, paratukdo kan Data Base Technology College of Gubat, Sorsogon asin residente kan Brgy. Rizal sa nasabing banwaan.

Segun kay PMaj. Baltazar L Valenzuela, Officer-in-Charge kan Gubat Municipal Police Station, lunad an biktima kan minamanehong motorsiklo kan bigla na sanang mabunggo asin na-sideswiped kan nagraragasang unidentified white dump truck.

Sa kosog kan impact sa pagkakabangga, nahulog si Manallo sa minamanehong SYM 125 motorcycle sa kongkretong tinampo

Dinala pa kuta na sa ospital ang biktima alagad deklaradong dead on arrival kan attending physician mantang padagos na pinagbubulong an angkas kaining estudyante na si Clinton Espedido y Dacillo, 19 anyos asin residente kan Brgy. Bagacay.

Padagos ngonian an ginigibong imbestigasyon kan pulisya sa siring na insidente tanganing maaraman an identipikasyon kan nakabanggang truck asin maging an driver kaini.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.