Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Traffic re-routing asin road closure, ipapa-otob sa mga mayor na tinampo sa ciudad sa Huwebes, Okt. 31

Nakatalaan na magpa-otob nin road closure asin traffic re-routing an Sor. City Public Safety Office sa nagkapirang mayor na tinampo sa ciudad kan Sorsogon sa Huwebes, Okt. 31 kun saen gigibohon an pinakadakulang Pantomina sa Tinampo.

Sa ipinalowas na pahayag ni Poso Head Arnel H. Anchinges, gabos na pampasaherong jeep iyo an magbababa kan saindang pasahero asin magpaparada sa Balogo Grand Terminal.

Sakop kaini an mga PUJ na gikan sa 1st asin 2nd district maging ang mga jeep na may byaheng Sor. City - Bacon District vice versa.

Magiging drop off point man kan mga partisipante sa Pantomina na gikan sa 2nd district iyo an sa may porsyon kan Sor. National High School, sa atubangan naman kan Bulwagan ng katarungan an mga partisipante na gikan sa 1st district mantang sa Divera St. asin Rompeolas an magiging drop off point kan mga partisipante kan Pantomina na gikan sa Sor. City.

Mientrastanto, an gabos na VIP vehicles iyo an maagi sa Balogo Grand Terminal asin babalatason an Coastal road pasisiring sa designadong parking area.

Mantang isasara sa trapiko an common pick up station kan mga tricycle asin jeep sa Plaza Bonifacio, Brgy. Sirangan.

Isasara sa motorista an kahalabaan kan Rizal Street gikan sa atubangan kan gymnasium pasisiring sa Fatima Church sa Magsaysay street.

No parking zone man an nasabing lugar siring man an Flores St. asin de Vera St. sa Brgy Talisay.

De man tutugutan na makapagbalatas sa tinampo sa Rizal sagkod Magsaysay St. magpoon alas 4:30 sagkod alas 5:30 an hapon.

Ipinagbabawal man an pagtao nin tubig asin pagkaon sa mga dancer durante kan saindang pagsasayaw mantang mahigpit an patanid kontra sa pagtapok nin basura.

Hagad kan Poso an pagsabot kan publiko orog na sa mga motorista para sa ikakatrayumpo asin ikakaayos kan seguridad.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.