Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

3 katawo arestado sa magkaseparar na anti-illegal drug operation sa Sorsogon

Arestado an tolo katawo sa magkasimbag na operasyon kan mga otoridad laban sa iligal na droga sa manlaenlaen na rona kan probinsya nin Sorsogon.

Enot na naaresto an akusadong si Cesar Labalan y Gonzales, 64 anyos asin residente kan Brgy. Cawit Extention, Magallanes Sorsogon ini makalihis na magpositibo an isinagibong operasyon kan PNP bitbit an search warrant na ipinalowas ni  Hon. Rofebar Gerona, presiding judge kan RTC Branch 53 para sa pagbalgar sa R.A. 9165.

Narekober sa harong kan suspect an sarong packet sachet kan marijuana, 2 bala para sa M16 rifle asin sarong kalibre 22 na badil.

Mientrastanto, naaresto sa Brgy. Panganiban, Gubat, Sorsogon an pinagkokonsiderar na No. 1 Municipal Drug Watchlist Person sa Gubat na si Erwin Estayane Salas, 37 anyos, soltero asin residente kan Brgy. Paradijon.

Sosog sa report, pinabakalan kan suspect an police poseur buyer nin sarong heat sealed transparent plastic sachet na naglalaman nin pinamaranag dahon nin marijuana sa kantidad na 500 pesos.

Mantang sa munisipio kan Irosin, tiklo an sarong Romeo Benecio Belo, 31 anyos asin residente kan Brgy. San Julian kasunod kan isinagibong buy bust operation.

Narekober sa posisyon kan suspect an sarong small heat sealed transparent plastic sachet nin shabu asin buy-bust money.

Ipinaghahanda na sa ngonian kan mga otoridad an magkakanigong kaso na isasangat kontra sa nasambit ng mga akusado.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.