Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Brgy kagawad sa Barcelona, gadan sa pananambang

Gadan an sarong barangay kagawad sa banwaan kan Barcelona makalihis na pagbabadilon kan riding in tandem sa Brgy. San Antonio.

Pinagbisto an biktimang si Bernabe Estiller y Gallor, 40 anyos, brgy. official asin residente kan Brgy. Sta. Lourdes.

Sa inisyal na imbestigasyon kan PNP, sakay an biktima kan minamanehong motorsiklo tangani kuta nang magdeliver nin kopra alagad pinaoranan nin bala sa atubangan kan Espigol Copra Buyer.

Nagsapar si Estiller nin mga tama nin bala sa manlaenlaen na parte kan saiyang lawas na naging dalay sa tulos kaining kagadanon.

Duda naman an misis kan biktima, na pagbalos sa pagkakagadan kan sarong Michael Donairy an motibo sa krimen.

Narekober naman sa crime scene kan mga otoridad an 3 basyo nin bala gikan sa kalibre 45 badil mantang padagos an pinagigibong imbestigasyon tanganing maaraman an identipikasyon kan mga suspect asin mapanimbag an mga ini.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.