Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Contest para sa mga kaayaman sa ciudad, maarangkada sa December - City Vet



Inkoneksyon sa ika-19ng taon na Foundation Anniversary kan ciudad nin Sorsogon sa masanling bulan nin Deciembre, ipinaglansar kan Sor. City Veterinary Office an sarong kontest para sa mga may ataman nin ayam.

Sinabi ni City Veterninarian Dr. Alexander Destura, ipinaglansar ninda an "Mi Perro, Mi Amor Contest" (My Dog, My Love Contest) na gigibohon sa December 10, 2019, alas 3 nin hapon sa City Hall Grounds, Cabid-an, Sorsogon City.

An siring na contest iyo an bukas sa gabos na lahi o breeds of dogs kasabay na an mga Aspin (Asong Pinoy).

Bukas naman ngonian an rehistrasyon para digde mantang magpasiring sana sa city vet para sa dagdag na impormasyon.

Sinabi ni Dr. Destura katuyuhan kan siring na aktibidad na mas na mapakosog an pagmakolog asin pagiging responsableng paraataman nin ayam.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.