Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Dry run sa color coding scheme sa trimobile sa Sor. City, kasado na

Isasairarum na sa dry-run an color coding scheme kan trimobile sa syudad nin Sorsogon.

Gabos na namamasadang tricycle sa Sorsogon City iyo an sakop kaini.

Beinte (20%) porsyento kan labi sa kuatro mil na tricycle franchisee o dae mababa sa 800 na unit an mapahuway nin sarong aldaw sa kada semana sa pag ultanan nin Lunes sagkod Biernes o weekend.

Segun kay Sorsogon City Traffic Management and Civil Security Head Arnel Anchinges, katuyuhan kan lakdang na ini parte kan pagresolbir sa magobot na bolos kan trapiko.

Dagdag ni Anchinges, madali man na nagkasinabutan an LGU asin an Tricycle operators and Drivers Association sa magkapirang beses na ginibong dayalogo.

Segun sa naging orolay, an mga asosasyon na an bahala sa lambang miembro kun anong aldaw sinda mapa coding asin ma designar sa 20% kan miembro na mapahuway sa kada aldaw.

Sinabi pa ni Anchinges na como ini dry run pa man sana, dae nin penalidad na maipapataw sa mga mabalgar kundi ililista lang kan opisina, pulis o kaya kan mismong TODA.

Pakatapos kan sarong bulan na dry run saka maaktwar an Sanggunian Panlungsod para magpasar o kundi man mag amiendar kan local traffic ordinance

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.