Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Nagkapirang lugar sa Sorsogon, nagsuspendir nin klase dahil sa bagyong Ramon


Nagdeklarar nin suspensyon sa klase sa mga estudyante an nagkapirang lokal na gobyerno sa probinsya kan Sorsogon dahilan sa Tropical Storm Ramon.


Sosog sa Sor. Provincial Information Office, kabilang sa mga LGU na nagsuspendir nin klase, epektibo ala una an hapon kan Mierkules, Nob. 13 an mga banwaan kan Pilar, Casiguran, Juban, Irosin, Sta. Magdalena, Pto. Diaz, Castilla, Bulusan asin maging an Sor. City.

Ipinagtataong bahala naman kan gobyerno probinsyal sa mga local chief executive an desisyon o disposisyon sa pagkakanselar kan klase sa saindang mga respetibong lugar.

Alas 11 nin odto sa kaparehong aldaw kan maisairarum sa public tyhpoon warning signal no. 1 an Sorsogon dahilan sa bagyong si Ramon.

Mientrastanto, nakapendiente na naman an mga pasahero sa mga seaport sa bilog na probinsya kan Sorsogon.

Ini makalihis na magpaotob ng pagbabawal sa byahe nin anoman na klase nin roro vessel an coastguard makalihis na maisairarum sa signal no. 1 an Sorsogon asin ibapang parte kan Visayas region dahilan sa bagyong Ramon.

Sinabi kan Coasguard an siring nindang suspensyon sa byahe, epektibo kun nakataas an public typhoon warning signal no. 1 sa sarong lugar.

Dahilan kaini, laoman an pagsosoroso-an na naman sa pila kan mga sasakyan na papasiring sa Matnog port.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.