Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Pagasa nagpatanid kontra sa mga fake news sa FB dapit sa super typhoon Sarah



Nagpalowas nin patanid an mga eksperto kan Phil. Athmosperic, Geophysical and Astronomical Services Administration o Pagasa sa publiko na iwasan an pag-share nin mga ladawan asin post na nagkakalat ngonian sa mga social media na nagsasabi sa paglaog sa nasyon kan super thypoon Sarah ngonian na semana.




Sinabi kan Pagasa, posible man nanggad magdevelop bilang sarong bagyo asin maglaog sa Phil. Area of Responsibility an sarong low pressure area na nasa Central Micronesia alagad magiging tropical depression asin tropical storm sana ini.

Mientrastanto, sinabi kan WeatherPhils.Org an nasabing raot nin panahon iyo an posibleng madevelop bilang sarong Tropical Depression sa masunod na 48 oras.

Sinabi kan weather company na posibleng balatason kan bagyo an norteng porsyon kan Bicol dangan na maglandfall sa Central Luzon.



Sa ibong kaini, sinabi kan ahensya na harayo pang marhay an nasabing LPA na posible pang magbago an direksyon sa mga masunod na oras.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.