Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Pagkasararo, hinagad ni Gov. Chiz sa mga Sorsoganon



Siniguro ni Sorsorsogon Gov-ernor Francis Josepth "Chiz" Escudero na dae nagtapos kasuudma an maogmang selebrasyon kan Kasanggayahan festival 2019.

Sinabi kan gobernador minapoon pa sana kan darakulang aktibidad sa probinsya an sarong bulan na kaorogmahan kan Kasanggayahan.

Hagad man ni Gov. Chiz an pagkasararo kan lambang Sorsoganon na dapat na ipahiling bako sana sa sayaw kundi maging sa mga ipinaglalansar na programa asin mga aktibidades kan gobyerno probinsyal.

Pinasalamatan man kan opisyal an esfuerzo kan mga nasa likod asin mga organizer kan mga ginibong aktibidades sa Kasanggayahan siring man an mga partisipantes kaini.




Enot kaini, nasungkit kan probinsya nin Sorsogon ang titulo bilang Largest Filipino Folk Dance sa Guiness World Record.

Ini kasunod kan isinagibong pinakadakula asin pinakamakolor na Pantomina sa Tinampo kasuudma.

Sa opisyal na pahayag kan Department of Tourism, uminabot sa 7,127 na parasayaw ang nagperform Pantomina sa kahalabaan kan Magsaysay asin Rizal street pasisiring sa Rompeolas.

Personal man na inakseptar ninda Escudero asin esposa kaining si Heart Evangelista an siring na onra na itinao sa mismong banggi pakatapos kan Pantomina.

Haros dae man nin may pagbugtakan sa ogma asin nahale an grabeng kapagalan kan mga partisipante makalihis na ideklarar kan Guiness na nakua kan Sorsogon an siring na titulo.



Mientrastanto, heneralmenteng naging matoninong an pagtatapos kan Kasanggayahan Festival 2019.

Dae nin darakulang insidente o krimen may relasyon sa aktibidad an naerehistro kan mga otoridad,

Enot ng nagpakalat nin dagdag na tawuhan an PNP Sorsogon katuwang an iba pang ahensyas kan gobyerno asin maging an mga force multiplier tanganing masiguro an paz y orden.

Matatandaan na isinara sa bulos kan trapiko an kahalabaan kan Rizal asin Magsaysay Street magpoon alas dos an hapon tanganing tawan nin dalan an isinagibong pantomina sa tinampo.

Nagserbing alternatibong rota kan mga byaheros an diversion road makalihis na dae tugutan na makaagi sa sentro an mga sasakyan gikan sa primer asin segundo distrito mientras na dae pa minatapos an Pantomina.


0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.