Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

Serye nin brownout mamamatean sa Sorsogon

Makaka-eksperyensya nin sororonod na aldaw na pagpalsok nin kuryente an ciudad kan Sorsogon.

Segun sa Sorsogon 2 Electric Cooperative o Soreco 2, enot na ipinagtalaan an power service interruption sa Nob. 25 magpoon alas 8 nin aga hasta alas 5 nin hapon.

Apektado kan maghapon na brownout an nagkapirang porsyon kan De Vera Street dahilan sa nakatalaan na pagsalida kan primary tapping pole sa sarong fast food chain.

Mienstrastanto, amay man na mapalsok an kuryente sa Nov. 26 sa nagkapirang lugar sa Sorsogon City.

Sinabi kan Soreco 2, paramientras na mapalsok an kuryente poon alas 6 hasta alas 8 nin aga sa mga minasunod na lugar:

Brgy. Mahingan. Salog, Garcia & Magsaysay St., Sampaloc, Sirangan, Bitan-o, Talisay, Burgos, Alegre, Rizal, De Vera, Quezon, Peralta to Monreal St., SPPVS at Housing Project sa Bibincahan, Alemndras Cogon, Calle Nueva, Bgy. Sulucan, Goodwill Subdv., Sampaguita Village, Flores St., San Juan Roro, Piot, Tugos, Cambulaga hasta sa Brgy. Panlayaan sa west district.

Katuyuhan kaini, segun sa Soreco 2 na mag-instelar nin primary meter sa SM Sorsogon.

Apwera kaini, enot ng pinag-anunsyo kan NGCP o National Grid Corporation of the Philippines an provincewide brownout sa Sorsogon sa maabot na Mierkules, Nob. 27 magpoon alas 6 nin pagkaaga sagkod alas 5 nin hapon tanganing makapagsagibo nin preventive maintenance sa saindang linyada sa bilog na probinsya kan Sorsogon.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.