Flash News
Mail Instagram Pinterest RSS
Menu
  • Sorsogon News Online

    A social news network where stories inspire community engagement and cater local news in the province.

    Mail Instagram Pinterest RSS

CDRRMO may abiso sa mga barangay official sa tahaw kan patakot kan bagyong Tisoy



Nagpalowas nin abiso an Sor. City Disaster Risk Reduction and Management Office sa mga brgy official sa tahaw kan patakot kan bagyong si Tisoy.

Sinabi kan CDRRMO, dapat na aktibado na an mga respetibong Emergency Response Team sa lambang barangay kasabay na an mga Rescue Equipments.

Dapat man na pulodon an mga sanga kan kahoy na posibleng magdara nin peligro o destroso na nasa gilid kan tinampo o mga harong.

Dapat man na maghiro tanganing linigan an mga kanal asin pinag-aagihan kan tubig tanganing maibitan an pagbara kan mga ini o kan mga kasalugan orog na kun magbaha.

Mahigpit man na pinagpapamonitor kan City DRRMO an mga brgy official sa ipinalowas na bareta asin weather update kan PAGASA, siring man kan mga local government agencies.

Pina-eebakwar man tulos kan City DRRMO sa tabang kan Barangay DRRM an mga residentes na nageerok sa mga harababa asin kostales na lugar.

0 comments:

Post a Comment

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.