Distribusyon kan cash assistance para sa mga aktibong miembro kan OWWA na naapektaran kan bagyo, nagpapadagos


Padagos an pinagigibong cash distribution kan mga Overseas Worker Welfare Administration sa pamilya kan mga Overseas Filipino Worker na nag-eerok digde sa probinsya kan Sorsogon.

Katuwang kan OWWA sa pagtatao nin calamity assistance an mga miembro kan Provincial Employment Services Office o Peso.

3 mil de pesos an itinataong asistensya kan OWWA sa mga aktibong miembro kaini na naapektaran nin husto kan magrapunggas an bagyong Tisoy.

Pinaglalaoman na magkikinabang sa siring na programa an nasa 4,412 na OFW na rehistrado asin aktibong miembro kan OWWA.

An mga benepisyaryo kan calamity cash assistance kan OWWA iyo an dapat na mag-agi sa nagkapirang proseso paraber na mairelease an kantidad na kinabibilangan kan beripikasyon asin pagtatao nin claim form, ebalwasyon, approval asin ibapa.
Distribusyon kan cash assistance para sa mga aktibong miembro kan OWWA na naapektaran kan bagyo, nagpapadagos Distribusyon kan cash assistance para sa mga aktibong miembro kan OWWA na naapektaran kan bagyo, nagpapadagos Reviewed by Sorsogon-News on 1:13 PM Rating: 5

No comments:

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.

Powered by Blogger.