Wage board sa Bicol ma conducir nin public hearing dapit sa wage increase ngunyan na Pebrero

FILE PHOTO
Pag-oorolayan kan Regional Tripartite Wages and Productivity Board Bicol an estado kan minimum wage digde sa rehiyon.

Segun sa RTWPB Bicol, kinakaipuhan na nindang diskotiron an mga dapat na gibohon kasunod naman kan haros sarong taon na an nakakalipas kan magkaigwa nin dagdag na umento sa sweldo kan mga obrero sa rehiyon.

Sa ibong kaini, sinabi kan RTWPB na dae pa nin nareresibe an saindang junta nin anoman na petisyon na naghahagad na langkawan an sweldo kan mga empleyado sa pribadong sektor partikular na an mga minimum wage earener.

Sinabi kan ahensya na napagdesisyonan ninda na magsagibo na nin public consultation may relasyon digde sa kada probinsya tanganing mapulsuhan an tunay na sitwasyon kan nasabing sektor para maaraman kun napapanahon na na dagdagan an sweldo kan mga obrero.

Nakatalaan na gibohon an public consultation asin hearing digde sa probinsya kan Sorsogon sa maabot na Peb. 20, ala una hasta alas 5 nin hapon sa Fernando's Hotel - 168 Bistro na nasa Pareja St., Bitan-O, Sorsogon City kun saen pinaglalaoman na papangenotan ini ni Joel Gonzales, RTWPB Bicol Chairman.
Wage board sa Bicol ma conducir nin public hearing dapit sa wage increase ngunyan na Pebrero Wage board sa Bicol  ma conducir nin public hearing dapit sa wage increase ngunyan na Pebrero Reviewed by Sorsogon-News on 1:48 PM Rating: 5

No comments:

Disclaimer: The comments uploaded on this site do not necessarily represent or reflect the views of Sorsogon-News. We reserve the right to exclude comments that we deem to be inconsistent with our editorial standards.

Powered by Blogger.